媽咪雞蛋仔 (已搬遷) 新店位置

每個月都會黎呢條街一次，機本上因為每次都係襯lunch time過黎剪髮，剪完再番公司既時間唔夠坐低正正常常食個lunch. 所以次次都會買媽咪雞蛋仔當lunch. Lunch time都要等大概15分鍾左右。今日叫左抹茶味雞蛋仔。 好香抹茶味。 亦有d茶甘味， 冇粉味。 保持水準都係咁外脆內軟。 揸住係手都聞到香味。 媽咪雞蛋仔係好足料， 一個人食曬一底已經好飽。下次試下佢d季節限定先。 見到佢有紫薯味， 應該會幾好味的。