赤葉日本料理 (已結業)

今日接呀仔放學，呀仔話食日本野，見係學校附近有間赤葉新開無耐，而且評價都幾高，就去試吓啦！大概12:30，好在有位唔使排，過多十五分鐘就滿坐，好彩！入到去已經比午餐餐牌吸引住，因為啲定食好抵食！點左一個麻將冷麵壽司定食$58蚊冷麵係師傅預先調教好味道撈埋上碟，加上紫菜絲，又幾夾喎，壽司質素非常高，油甘魚，三文魚非常肥美，帶子甜蝦十分鮮甜，淨係壽司加兩大片三文魚都超過定食價錢！另外點了兩份燒牛舌，牛味香，加上黑椒好惹味一口豚肉串燒，雞亦燒得好香，配上日式燒汁一齊燒，味道好夾壽司唔講以為食緊廚師發板支持小店，希望能夠繼續比到高質素嘅食物元朗人！