一君士多 (已結業)

喺尖沙咀行完街，咁岩見到呢間一君士多，睇落裝修幾有格調，光猛整潔，就入左去～餐牌選擇都幾多，有泡飯、咖哩飯、牛肉飯同車仔面～～我就揀左個「火山之牛飯」，窩蛋牛肉配上日式牛丼汁！生雞蛋擺到成個火山咁，撈勻食，牛丼汁另上，唔怕整林晒啲飯，比起連鎖快餐店既牛肉飯，一君既牛肉飯更重牛味，超濃縮既牛汁，食得出真材實料！另外，朋友揀既「炸廣島蠔日本咖喱飯」都好正，有四大粒厚肉飽滿既生蠔，外表炸得酥脆，內裏超juicy,配上香濃日式咖喱，食得好滋味～～呢度既小食都有多種選擇，蜜餞炸雞翼炸得金黃～有得飲原味樽仔奶茶，濃濃茶香！粒粒菠蘿冰～～有得飲有得嚼～