Ground Zero (已結業)

行過觀塘海旁，好閨蜜推介呢間餐廳（週末12點到達，已經好爆場！！！！）慢煮澳洲豬鞍扒慢煮呢種烹調方法能夠鎖住肉汁，呢塊豬鞍好嫩，邊位煎得脆香可口，帶點油滋滋，豚香味豐腴。最欣賞係佢嘅配菜，蘋果蓉好清甜，車厘茄入口爆汁，亦配有露筍煙肉，心思十足。蒜油辣椒虎蝦闊條麵呢個夠晒創意嘅配搭，食落唔油膩之餘仲好有癮。蒜油好香，辣椒唔會太嗆，虎蝦有煎過，蝦肉爽甜，裏面仲有超級惹味既肉碎，闊條麵口感適中，帶有咬口！焦糖燉蛋蛋香幾重，奶味亦濃好creamy，最鍾意嘅係帶佢粒粒雲呢拿籽，有陣陣幽幽誘人既氣味，食落醇和，面頭既焦糖亦夠甘飴。Bailey moouse cake 好幼滑既moouse，淡淡既百利酒味道好醇香，味道拿捏得不俗，蛋糕帶點漸層，造工細膩。Mocha 朱古力味微甜，咖啡底有點果香感，入口濃醇溫潤，小編幾欣賞。