Fast Taste (金碧閣) (已結業)

同老婆落樓下搵食，行過俾張「素食」餐牌吸左睛，望下望下覺得可以一試，就開門入去。坐低睇下餐牌，叫左個 菠蘿豚肉漢堡配薯條 同埋 黑醋汁煙鴨胸意粉，另外加左個洋蔥圈（跟餐叫半價）漢堡個味好夾，菠蘿感覺清新，豚肉同個汁味道唔算重，感覺好balance ，唔錯！鴨胸味道唔會太濃，而且煙燻味唔會太重，幾好食。兩杯飲品相對上失色，因為味道好似道地果種合成柑桔檸檬味。洋蔥圈炸得香口，又唔會炸到好燶好乾，值得推介。整體而言，性價比幾高，每人都係60$度，可以一試。