本佐日本燒肉料理 (已結業)

星期五晚當然是食好西的時候。今晚就去咗尖沙咀食半放題嘅燒肉。星期一至四都係289蚊一位，就可以食齊曬牛肉，豬肉同雞肉，海鮮同刺身 。一坐低冇耐服務員已經為我地送上一隻巨型刺身船，先聲奪人。 不得不提嘅就係海膽刺身，份量十足，一啲都冇偷工減料。 另外仲有帶子， 三文魚等等，大滿足。四人同行仲送埋龍蝦刺身添。海鮮嘅就有蜆， 聖子等等 。。一份份準備好曬，放喺中間慢慢燒，食落同樣鮮味十足。牛肉方面就有牛肉粒，超級推介。 入口即溶 ，可以媲美日本嘅A5牛肉。 另外牛肉十分新鮮，雪花亦都好靚，脂肪同肉比例均勻 。豬肉方便 ，推介嘅就係豬頸肉 ，肉質十分爽脆。 雞肉方便就有單邊雞翼 ，有辣有唔辣，仲配搭燒雞肉。雞肉爽嫩 。任食方面 ，就有各款沙律前菜等等。推介嘅就係蟹子沙律，有勁多蟹肉， 青瓜切絲 ，可以平衡番食燒肉比較重新嘅口味 。另外個唐揚炸雞都做得十分出色。外層炸到薄薄脆脆，雞肉炸到熱辣辣，點埋沙律醬食簡直一流。另外仲有冷熱烏冬等等，就算大胃王都一定食到捧曬肚落樓。最尾仲送上Movenpick 雪糕 ，為是日晚餐作個完滿結束。裝修方便都幾有日本居酒屋嘅特色，令人感覺尤如身在日本。總括嚟講30