Route 83 (廣福道)

營業中

休息中

Route 66非常有名，背後有好多歷史同故事；Route 83喺香港比較冇咁多人識，其實係貫穿美國南北嘅一條公路；呢間餐廳用Route 83來做名字，可能同佢位於83號有關🤔今日一早去咗大埔，到差不多中午嘅時候肚仔開始餓，上Google睇吓就見到呢間名字特別嘅餐廳，評語唔錯，咁就行過去試吓。叫咗佢哋嘅午市套餐，香煎豬扒配意粉。意大利粉撈咗蕃茄醬，味道唔錯；豬扒有兩塊，份量都唔細，豬扒調味得幾好，煎得幾香，肉質有咬頭，質素完全可以接受👍。呢個豬扒意粉將港式西餐發揮得非常之好！如果再加啲醬油就更加地道😁個南瓜餐湯就味道麻麻。杯奶茶就非常香非常滑。呢個午市套餐盛惠55大元，味道唔錯，超級抵食。