黃金燒味 (已結業)

夜晚喺灣仔做完facial，經過見到呢間舖頭食燒味，價錢又平，當然要試一試！入去之前見到送是日小食一客，點知入到去先話冇晒，其實喺門口貼定講聲會好好多！餐廳嘅間格同座位唔太舒適，店舖衛生都一般般，好彩啲嘢食搭救。▪️蜜汁叉燒拼脆皮燒腩仔飯 $69叉燒蜜味香濃，咁啱比左叉燒頭我，成舊燶邊好正🔥脆皮燒腩仔果然名副其實，雖然唔係岩岩出爐，仲要係臨收舖嘅時間，個皮都keep到脆到食落卜卜聲！簡直係唔簡單！下次一定要試埋其他燒味！📍黃金燒味Golden BBQ灣仔軒尼詩道68號新禧大樓地下B號舖