心之食堂 (裝修中)

昨晚同朋友一齊食飯敘舊，揀咗呢間樓上日式餐廳，因為見到呢間有800+正面食評。店內不算好大，但我哋早食，可以揀坐窗口位，都坐得幾舒服。店員送上ipad電子餐牌，有圖對字，仲有已下單版面，方便知道我哋睇返自己叫咗什麼食物，大約幾多錢，這樣都幾貼心。有好多嘢食揀，樣樣都想食，最後我哋點咗好多嘢，上菜好快，放到成枱都係，要同店員要求未出嘅食物要出慢少少😄碎吞拿魚腩軍艦 (HK$48)2件軍艦上嘅碎吞拿魚腩球，大得有點過份，不過我哋食得好滿足，因為超多肉，鮮甜美味😋日本空運油甘魚刺身4片 (HK$78)大件，好厚切，鮮甜美味，好新鮮喎😋芝士他他炸蝦 (HK$58)一份有3條吉列炸蝦，炸得脆口不油膩，一定要襯熱食啲芝士半溶狀態好好食。厚燒牛舌心 (HK$58/串)我哋本身鍾意食燒牛舌，所以叫咗2串。都幾厚切，燒得剛好，不會太韌。鐵板豆腐 (HK$48)豆腐板燒得外脆內多汁，不會乾爭爭。燒雞軟骨(HK$38)一份有3串，有這個份量已經幾抵食，脆卜卜嘅口感，不錯。燒雞腎 (HK$38)一份有2串，燒汁調味得好好，粉嫩口感，不會乾爭爭。蒜香烤焗茄子(HK$68)呢個要慢慢烤焗45分鐘，所以是最後上枱。