品粵居

營業中

休息中

平時好少過海食飯，因為就朋友所以就上OpenRice搵下Times Square附近有咩好食，見品粵居咁多笑哈哈就膽粗粗試下。我地聽經理介紹叫左幾樣佢地出名小菜，每樣都幾高質，份量好足料，海鮮都冇偷工減料。而且服務都幾周到，會了解下客人口味先推介。唔怪之得佢平日夜晚都幾多人，睇嚟好多回頭客同熟客幫襯。我最中意佢個瑤柱螺頭燉花膠，花膠好入味，又煮得岩岩好，冇煮到過淋。仲有佢個脆皮雞同乳鴿，個雞係堅脆皮！！但裡面d肉都仲keep到肉質嫩滑。 乳鴿都燒得好好，唔會乾柴同冇肉食咁。平時我麻麻地食皮蛋，但朋友叫左佢個炸釀皮蛋又幾好食，冇我唔中意個種怪味，幾香口，叫黎做小食前菜幾好。我地跟經理recommend叫左個煲仔飯，但一d都唔煲仔，好大煲！！雖然佢大煲得黎都做到個種甘香，飯唔會硬身又唔黏牙，但真係好大煲，要多人食先好叫。