泉記 (已結業)

英格蘭贏波,贏得點唔光采,邊喝采邊鬧其表現差,到頭來也要醫一醫肚,經Glucose提議之下,眾人拉大隊到再興對面的泉記吃雲吞麵,魚蛋粉.駱克道的萬人空巷,絕無影響.眾老外無幾何過來吃麵.幾個人,叫些牛腩粉,雲吞麵,魚蛋,魚片粉等.你夾下我,我夾下你,魚蛋也有魚味,但不夠彈牙.魚片也一樣,如果係魚片頭的話,相信會大覆加分.雲吞一半一半,麵質尚可,鹼水味不重.湯底麻麻,頗咸.全夜最出色,反而係炸魚皮,去到半夜,依然脆卜卜.此店水準,同英格蘭前鋒高治一樣,只屬二流腳色.不要因熱身賽Hat-trick而高估,果場的對手,只是風流陪坐的牙買加而已.ps:鳴謝Glucose借出玉照一張.