花火洋食 (已結業)

花火洋食 (屯門)屯門龍門路54號屯門高爾夫球中心餐廳打完高爾夫球⛳️食呢間西餐先。晚市二人餐 338 是日餐湯甘筍湯粒粒甘筍蓉極有口感，鮮甜，薯仔亦都好食。頭盤帶子裙邊沙律🥗沙律菜新鮮，帶子裙邊爽脆，擁有冰涼口感前菜係最好食嘅。初榨橄欖油蒜片蜆肉風乾蕃茄扁意粉🍝油而不膩，蜆肉好多，足料，蕃茄夠甜，意粉質地好彈。加$148花火海洋祭-香蒜蛋黃醬烤焗龍蝦，火炙帶子兩件，脆炸軟殼蟹睇落大件頭，超震撼，火炙帶子，超大隻，鮮甜美味，炸軟殼蟹細細件，切開兩個人食都剛剛好，酥炸鬆脆，龍蝦🦞肉質厚身煙靭。玫瑰朱古力熱 $34最鍾意就飲玫瑰味朱古力，又香又濃。菠蘿梳打 $28甜甜梳打，要揀就揀自己鍾意嘅菠蘿。Tiramisu值得一讚嘅蛋糕，細滑，酒味輕醇。Oreo cheesecake經典cheese cake食得多，今次食過Oreo都係又脆又鬆軟好味。