羅麥記 (V City) (已結業)

終於食到了，每次到羅麥記都十五十六，唔知叫好唔叫好，因為實在太邪惡了，一磚麵包盛滿了炒飯，重疊起豬扒。完全係重量級，但又實在吸引，所以今次真係忍唔住—要食喇。二人叫了焗豬扒飯及西冷牛扒，西冷牛扒先上，叫七成熟，但產品應該係十成熟。周打魚餐湯，杰身，幾好，牛扒就冇特別。經過一段時間，可能因為焗飯，所以等了很久，我的磚頭到了。很大的磚頭，目測跟預期一樣。其實我最鍾意食麵包皮，所以真係十分滿足，豬扒件數都多，炒飯就食不出飯香。飯腳認為豬扒偏咸，但可能我係夾住麵包食，所以我唔覺咸。由豬扒飯食到變豬扒包，肚皮漲大到頂點！大滿足！