影片
更多
2024-08-23
61 瀏覽
最近好鍾意食串燒，同朋友去咗一間位於22樓嘅日式串燒餐廳。佢設計簡潔，冇多餘既裝飾我哋選擇咗坐喺BAR枱，可以即場睇住廚師喺你面前現場燒！呢度服務好好，一坐低，侍應已經遞上條暖毛巾，呢個細節我覺得好好，令我哋覺得好窩心。侍應嘅態度親切，全程都會留意我哋嘅需要，但又唔會令人覺得被打擾。再講返食物，餐廳提供兩款套餐俾我哋揀。第一款係8串雞，全部都係雞嘅唔同部位，價錢係$400。第二款就係10串，呢款套餐係由廚師發板，價錢係$480。兩個套餐都包咗前菜，同埋最後嘅主食選擇，包括燒飯團、烏冬或者雞肉親子飯，之後仲有雪糕。評分：👍🏻👍🏻👍🏻👍🏻👍🏻/5除咗套餐之外，我哋仲特別加咗一串雞芯、一個豬肉流心蛋同埋一個芝士牛油果。雞芯串真係超正，外脆內嫩，咬落去啖啖肉汁；評分：👍🏻👍🏻👍🏻👍🏻👍🏻/5豬肉流心蛋亦唔錯，豬肉包住半熟嘅蛋黃，一啖咬落去，濃濃嘅蛋黃流出嚟，配埋鹹香嘅豬肉。評分：👍🏻👍🏻👍🏻👍🏻/5而芝士牛油果就係另一種味道，牛油果焗過之後就係creamy 既味道，再加上芝士，有少少木魚，係比較突別。評分：👍🏻👍🏻👍🏻/5餐廳仲提供咗幾款調味料俾我哋自行加添，但老實講，我覺得唔洗加，因為原本嘅
佢設計簡潔，冇多餘既裝飾
我哋選擇咗坐喺BAR枱，可以即場睇住廚師喺你面前現場燒！
呢度服務好好，一坐低，侍應已經遞上條暖毛巾，呢個細節我覺得好好，令我哋覺得好窩心。侍應嘅態度親切，全程都會留意我哋嘅需要，但又唔會令人覺得被打擾。
再講返食物，餐廳提供兩款套餐俾我哋揀。第一款係8串雞，全部都係雞嘅唔同部位，價錢係$400。第二款就係10串，呢款套餐係由廚師發板，價錢係$480。兩個套餐都包咗前菜，同埋最後嘅主食選擇，包括燒飯團、烏冬或者雞肉親子飯，之後仲有雪糕。
評分：👍🏻👍🏻👍🏻👍🏻👍🏻/5除咗套餐之外，我哋仲特別加咗一串雞芯、一個豬肉流心蛋同埋一個芝士牛油果。雞芯串真係超正，外脆內嫩，咬落去啖啖肉汁；
評分：👍🏻👍🏻👍🏻👍🏻👍🏻/5豬肉流心蛋亦唔錯，豬肉包住半熟嘅蛋黃，一啖咬落去，濃濃嘅蛋黃流出嚟，配埋鹹香嘅豬肉。
評分：👍🏻👍🏻👍🏻👍🏻/5而芝士牛油果就係另一種味道，牛油果焗過之後就係creamy 既味道，再加上芝士，有少少木魚，係比較突別。
評分：👍🏻👍🏻👍🏻/5餐廳仲提供咗幾款調味料俾我哋自行加添，但老實講，我覺得唔洗加，因為原本嘅味道已經足夠。
我哋喺主食嘅部分揀咗燒飯團同埋雞肉親子飯。燒飯團燒到剛好，外層帶有微微嘅焦脆，咬落去米飯鬆軟但又充滿炭香。
評分：👍🏻👍🏻👍🏻/5雞肉親子飯亦都唔錯，雞肉嫩滑，蛋汁同米飯好夾，每一啖都好好。
評分：👍🏻👍🏻👍🏻👍🏻/5最後甜品，餐廳有幾款唔同味道嘅雪糕俾我哋揀，我哋揀咗開心果同埋抹茶口味。開心果雪糕奶香濃郁，入口即化，仲帶有淡淡嘅果仁味。而抹茶雪糕就係另一種清新嘅感覺，帶有淡淡嘅抹茶苦澀，唔會太甜，正好喺食完串燒後平衡味覺。
評分：👍🏻👍🏻👍🏻/5總括嚟講，呢間日式串燒餐廳無論喺食物、環境定服務上都係唔錯嘅選擇。如果你鍾意食串燒，又想要一個靚景同高質嘅用餐環境，你地可以試下呢間餐廳！
整體味道指數：😋😋😋😋😋/5
性價比：💰💰💰/5
環境：❤️❤️❤️❤️❤️/5
服務：✅✅✅✅✅/5
張貼
