Bellevue Bar and Grill (已結業)

星期日同男朋友拍拖拖，中午去左油麻地一間高空西餐廳食lunch。呢間餐廳特別適合情侶黎約會，窗戶佈滿心心既圖案，幾有情調。首先送上餐包，口感十分軟熟而且係熱架，牛油亦都好幼滑。是日精選餐湯係煙肉雜菜湯，蔬菜煮到好腍，味道似羅宋湯。慢煮雞胸肉溫室青瓜伴黑醋汁酸酸地，好開胃，欣賞雞胸一啲都唔鞋口。吞拿魚尼斯沙律用上熟既吞拿魚，沙律菜食得出新鮮。 香煎美國豬扒伴菠蘿煙肉汁有兩塊薄豬扒，肉質唔鞋唔韌，煎得岩岩好，好食。意式肉醬燴闊條麵因為用上闊條麵，所以更能掛到啲肉醬，啖啖都充滿惹味既肉醬，唔錯。是日精選甜品係士多啤梨慕斯蛋糕，賣相幾靚，味道都好，甜度適中。最後飲埋餐飲，叫左熱咖啡同熱檸茶。