尚夢・茳煳 (已結業)

想帶屋企人去中菜餐廳吃飯，但又想坐得舒舒服服慢慢食，見灣仔有間「尚夢 茳煳」就試一試啦！午市精選套餐，免收加一服務費。套餐有主菜、醃菜、湯和甜品。點了一份頭抽安格斯乾炒牛河 $128乾炒牛河份量多多，配搭安格斯牛肉非常高貴，更以雞蛋絲和芝麻作配搭，真係又睇得又好味😋不會抄得很油膩。海底椰燉湯每個午餐都有一盅燉湯，味道鮮甜。有小臘燭助熱，不用擔心湯會凍。甜品是芒果柚子西米露糕，不會太甜。XO醬陳村粉蒸斑片 $148第一次喺香港食陳村粉，是一種以薄、爽、滑、軟為特色的米製粉，小編覺得有點似腸粉😂斑片啖啖肉，沒有骨，配上XO醬更加惹味。甜品是馬蹄桂花糕，味道亦不會太甜。最近比較喜歡喝凍檸茶，都會點少甜。餐廳把檸檬擺得靚靚，隨便影都可以好靚。