景逸軒 (已結業)

蜜椒紫薯安格斯牛柳粒（$128）雖然呢碟菜可能牛粒🐂係主角，但司令覺得紫薯🍠好值得讚下！紫薯唔一定要配雞煲🧀呢啲奇怪既組合既！其實配安格斯牛柳粒又唔錯啵，紫薯先炸過再攞去炒🔥，唔會炒到爛晒，一粒粒。鹹中帶甜😳，又有啲牛味，好香口！脆皮燙手乳豬半隻（$338）乳豬雖然係得半隻，但五六個人都絕對夠食。乳豬既肉🐷非常厚！皮就真係燒到好脆💥，唔係得個硬字！味道亦都好足😜，雖然有肉地，但又唔係好多肥膏，食多少少，都冇咁大罪惡感！燒鵝皇例牌（$118）以例牌份量黎講都幾多喎！燒鵝算係皮脆肉嫩，咬落仲有肉汁，又唔會凍冰冰，都算食得過！鮮果拔絲黑豚肉（$88）食落感覺似咕嚕肉，酸酸甜甜，黑豚肉肉質比較嫩，唔會鞋，不過食多幾舊有少少膩喎。