川粵時光 (已結業)

今日同朋友嚟到位於銅鑼灣嘅一間高級中菜廳。雖然是閒日，但已經坐滿人，還真有實力。我哋每人先來碗老火湯，確實真材實料，絕無味精。然後叫了三個小吃涼拌海蜇雲耳 - 爽口嘅雲耳配上酸菜，好好嘅開胃小食。酸辣魚皮 - 炸魚皮就食得多啦，呢個食法真係第一次試。竟然有驚喜，個魚皮做到好彈牙，配埋酸辣汁越食越開胃。干煸四季豆 - 四季豆炒得好爽口，但我覺得略偏鹹。近年也熱門吃麻辣小龍蝦，真係好有趣。雖然小龍蝦細小，但係肉質鮮甜彈牙，配上麻辣汁真係好惹味。最後甜品嗌咗紅糖冰粉，原來上面放上了西瓜粒。不過我覺得有啲酸，如果落多啲黑糖會更加好食。飲品都幾特別，點咗幻彩荔枝養生花茶同蜂蜜紅棗茶。