WM Café & Bar (啟岸)

營業中

休息中

呢日因為要攞啲好朋友寄畀我嘅嘢而來到土瓜灣，咁行行下之間就見到一幢好靚嘅建築，再認真睇下原來之前嚟過㗎，不過當其時只得一間餐廳，而家就有好多選擇。而WM cafe就係我今日嘅選擇。"珍寶日本帶子巴馬火腿卡邦尼煙肉意大利粉"，個名真係好長，而事實佢真係有咁多材料，帶子好大粒，巴馬火腿就两大片，又有煙肉，好creamy好好味。“泰式紅咖喱烤焗手撕豬意大利包配菠蘿炸薯條”就咁睇同漢堡包差唔多個樣，但個餡就幾有特色，紅咖哩豬手有少少辣，令到成個包更加惹味，配備嘅薯條係攣攣地，好鬼cute，仲有我係喜歡嘅燒菠蘿。加38蚊可以有小食，湯和飲品，“吉利炸蠔”和“凍西柚蜂蜜綠茶”都唔錯。