Van Gogh SENSES (已結業)

今日下午去左尖沙嘴1881，見呢間餐廳幾靚就入左去試一試。裡面環境裝修都好靚，同van gough個主題都好襯。而食物方面同樣令人滿意，首先個湯都好清，但係唔會過於清淡。至於個主菜方面我地就叫左一個烤豬柳，個豬柳有熱情果同蘋果醬汁，好特別，而且點落個豬柳到就更清新，豬柳本身亦一d都唔硬，好易咬。而之後就係甜品，有一個雲呢拿朱古力蛋糕，唔會覺得太甜，而且texture亦都相當唔錯，食完亦唔會覺得膩。最後餐飲方面我就揀左熱情的烏龍茶，熱情果嘅味出乎意料地同烏龍茶好夾，味道一d都唔單一。整體而言，呢間餐廳無論內裏裝修定係食物嘅擺設都好精緻，食物亦都係好正。