丼吉日式吉列豬排專門店 (彩星集團大廈) (已結業)

呢間野我食過幾次，但都好耐冇黎過。見今日晏晝幾得閒，就突登去左尖沙咀既呢間分店食飯。呢棟大廈有好多高級日本餐廳，但呢間都好受歡迎，因為我地12點幾黎到都差唔多滿座。黎到呢到梗係要食炸豬排啦，晏晝食仲抵過夜晚添🤓呢到首先會俾兜芝麻你自己磨，我覺得幾得意，好少餐廳會咁做，仲自己想磨幾碎就幾碎～然後可以淋d豬排汁落去芝麻碎到，陣間就點豬排食。想講個定食真係幾豐富，塊豬排係超厚，跟住又配麵豉湯、白飯、同椰菜。白飯同椰菜仲可以任加，真係幾抵食😋😋 呢到環境又好，我地坐左係卡位到仲真係好似包廂咁，私隱到幾高。想食吉列豬排既真係可以一試！