海鮮丼屋政 (已結業)

香港食壽司同埋日本料理嘅地方有好多，但係啱食嘅就唔一定多，因為通常唔係太貴就係性價比低，又有啲唔係咁好味嘅，所以都唔係容易揀。 當中我覺得最好味嘅當然係大拖羅壽司，因為大拖羅肉真係好肥美金香。喺中環嘅呢一間海鮮丼屋政，就係我嘅心水選擇，既好味，性價比又高，所以久唔久都會嚟食。叫咗幾種唔同種類嘅海鮮壽司，壽司都好新鮮，啲飯都猜得好好，食壽司呢家嘢新鮮最重，要其他乜都係假。茶碗蒸，我習慣叫佢做日本蒸水蛋，雞蛋蒸得好滑又有海鮮嘅鮮味，裏面嘅配料都好新鮮，唔係一般日式料理可以做得出咁樣嘅水準。天婦羅都炸得又脆又唔會好多油，唔可以話係好好食嗰種，但係質素真係有番咁上下都唔錯。