Triple O's by White Spot (已結業)

平時去開尖沙咀海港城個間，不過因為近日已經結業所以就黎element 呢間試試。位置處於溜冰場旁邊程開放式，外形簡潔有梳化位環境算不錯。點餐之後攞號碼放係枱上之後會有人送到你面前，比起海港城個間呢方面這裏比較優勝。我們點了兩個餐：mushroom burger 係我最愛，因為個包太大一般我都會order時叫佢幫我切開兩份，我鐘意食呢個包係因為佢個醬汁同磨菇真係好夾平時好少burger 會有咁多磨菇，可惜今次D醬太少覺得乾咗少少，多D醬一定好未好多，漢堡扒唔洗講一定夠厚身比較有咬口，加埋片酸瓜味道啱啱好。Chicken stripe - 喜歡炸雞朋友大可一試，其實味道唔錯又夠熱不過食到尾個兩件D油比較多。薯條有皮比薯角幼小小外脆內軟好好味，仲有佢每張枱都有成支茄汁比你用，對一D鐘意食茄汁嘅人黎講唔洗成日走去前枱問人攞真係幾方更。