Miso (已結業)

今晚食日本野，今晚有八個人，我地叫左兩個鰻魚飯，燒雜菇。兩份吉列炸蠔，每份4件。吉列皮夠脆，入面日本蠔依然重味，夠厚肉。落啲醬夠曬正。一份焗蠔。底下係薯蓉，上面既蠔有少少芝士，口感特別。一份蟹柳豆腐牛油果沙律。牛舌串燒、雞軟骨串燒，牛舌幾爽，但份量好似少左啲。天婦羅炸蝦、什錦海鮮炒飯。壽司拼盤，$380一份黎講份量都幾少，得8件壽司同卷物。枝豆，超大盤。卷物叫左牛油果豬扒。天婦羅炸蝦入面啲蝦好嫩，外皮又軟軟地同時又脆脆地。