影片
更多
2017-08-15
104 瀏覽
今日去完灣仔做野, 老公約我係灣仔等, 跟住一齊食晚飯近近地, 查到間Sakuragi Omakase, 佢既評價唔錯, 就決定走去入到去餐廳感覺高尚, 有酒店feel, 超高樓頂, 卡位坐得舒服有一排BAR 枱位對住師傅坐, 應該就係叫Omakase既客人啦餐廳叫Sakuragi Omakase, 其實唔係只有Omakase (師傅發板), 都可以散叫既雖然都好想試Omakase,但第一次黎, 都係唔敢太冒險住, 好味既下次先黎Omakase我地研究左餐牌好耐, 決定叫少少刺身, 烏冬, 小食同串燒刺身方面, 原來想要油甘魚+帆立貝, 但侍應話今晚刺身魚類就只有深海池魚, 其他都無, 最後我地揀返帆立貝+甜蝦, 我心諗如果叫左Omakase, 可能只有一種池魚食到刺身好快黎到雖然無油甘魚, 但帆立貝刺身都唔錯, 差唔多係珍寶Size,夠肥美, 仲加左D飛魚子點綴, 帆立貝味道鮮甜爽口; 而甜蝦味道正常之後係玉子燒, 選擇比較單調, 只有一款, 無得加餡料味道大路, 蛋味濃郁, 燒到啱啱全熟, 口感有少少乾鰻魚炸豆腐賣相幾特別, 由外至內, 外皮類似天婦羅炸粉, 紫菜, 嫩滑豆腐, 最
近近地, 查到間Sakuragi Omakase, 佢既評價唔錯, 就決定走去
入到去餐廳感覺高尚, 有酒店feel, 超高樓頂, 卡位坐得舒服
有一排BAR 枱位對住師傅坐, 應該就係叫Omakase既客人啦
餐廳叫Sakuragi Omakase, 其實唔係只有Omakase (師傅發板), 都可以散叫既
雖然都好想試Omakase,
但第一次黎, 都係唔敢太冒險住, 好味既下次先黎Omakase
我地研究左餐牌好耐, 決定叫少少刺身, 烏冬, 小食同串燒
刺身方面, 原來想要油甘魚+帆立貝, 但侍應話今晚刺身魚類就只有深海池魚, 其他都無, 最後我地揀返帆立貝+甜蝦,
我心諗如果叫左Omakase, 可能只有一種池魚食到
刺身好快黎到
雖然無油甘魚, 但帆立貝刺身都唔錯, 差唔多係珍寶Size,
夠肥美, 仲加左D飛魚子點綴, 帆立貝味道鮮甜爽口; 而甜蝦味道正常
之後係玉子燒, 選擇比較單調, 只有一款, 無得加餡料
味道大路, 蛋味濃郁, 燒到啱啱全熟, 口感有少少乾
鰻魚炸豆腐
賣相幾特別, 由外至內, 外皮類似天婦羅炸粉, 紫菜, 嫩滑豆腐, 最中間包住燒鰻魚, 層次豐富, 口感有脆有嫩
醬汁燒鰻魚
燒得有水準, 醬汁惹汁, 鰻魚外皮脆口
鹽燒豚肉露荀卷, 賣相已經好juicy, 金黃色既外層, 豚肉味道幾好, 加包住露荀食, 又爽口又juicy, 襯到絕
帆立貝茶漬飯, 鋪左好多紫菜絲&白芝麻,
帆立貝茶漬飯同一般既茶漬飯唔同, 唔係俾一壺茶俾你自己加茶
呢個係已經加左茶, 好似湯飯咁,
令飯粒更軟淋更好入口, 混合紫菜絲&白芝麻後更香
而帆立貝表面輕輕燒過, 加左茶漬而變得暖暖地, 食落反而更鮮甜
天婦羅稻庭烏冬
天婦羅係另上, 包括蝦, 蕃薯南瓜青椒
稻庭烏冬亦夠彈牙爽口
張貼
