影片
更多
2024-03-28
725 瀏覽
.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯今次去食一間好非常之高質omakase，點解話非常之高質呢？係因為佢除咗食材新鮮，烹調配搭手法亦都比較特別同埋出色，而且擺盤都非常之靚！我真係有不少驚喜！ 茶碗蒸黃色嘅就成日見，黑色就好少見。用咗墨魚嘅墨汁製成，配合高湯同埋螢光魷魚，味道特別鮮甜。生蠔嚟自長崎嘅華漣，口感會爽口同埋有少許嘅海水味。配搭柚子酸汁就更加鮮甜。剝皮魚小小魚肉，但係精華所在就係肝嘅部份。白色透明嘅魚肉倒入魚肝整成嘅醬汁，特別濃郁。櫻煮八爪魚用左熟成去軟化纖維，所以口感軟腍又仲有爽口嘅感覺，味道帶甜。目光魚小小魚肉卻非常肥美，外層燒到香脆，魚肉味濃又冇乜骨，成條可以一齊食。鰆魚春天時令嘅魚種，用左稻草去煙燻，配搭日本洋蔥正式嘅洋蔥醬。煙熏味唔會蓋過魚肉本身嘅鮮味，帶返少少濃烈嘅味道出嚟。鮟鱇魚乾用在鮟鱇魚肝整成醬，底層係脆脆餅，而上面透明嘅係蕃茄同埋高湯整食嘅啫喱，食嘅時候記住一啖食晒呀，一啲都唔油膩仲有啲清甜添。太刀魚天婦羅產自日本嘅太刀魚，面頭加入少少海鹽，香脆魚肉又細膩。碗物湯內有九繪魚，石班魚嘅厚實口感。另外仲有蝦球，湯主要用作清新喉嚨。深海池魚肉質厚實，
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
今次去食一間好非常之高質omakase，點解話非常之高質呢？係因為佢除咗食材新鮮，烹調配搭手法亦都比較特別同埋出色，而且擺盤都非常之靚！我真係有不少驚喜！
茶碗蒸
黃色嘅就成日見，黑色就好少見。用咗墨魚嘅墨汁製成，配合高湯同埋螢光魷魚，味道特別鮮甜。
生蠔
嚟自長崎嘅華漣，口感會爽口同埋有少許嘅海水味。配搭柚子酸汁就更加鮮甜。
剝皮魚
小小魚肉，但係精華所在就係肝嘅部份。白色透明嘅魚肉倒入魚肝整成嘅醬汁，特別濃郁。
櫻煮八爪魚
用左熟成去軟化纖維，所以口感軟腍又仲有爽口嘅感覺，味道帶甜。
目光魚
小小魚肉卻非常肥美，外層燒到香脆，魚肉味濃又冇乜骨，成條可以一齊食。
鰆魚
春天時令嘅魚種，用左稻草去煙燻，配搭日本洋蔥正式嘅洋蔥醬。煙熏味唔會蓋過魚肉本身嘅鮮味，帶返少少濃烈嘅味道出嚟。
鮟鱇魚乾
用在鮟鱇魚肝整成醬，底層係脆脆餅，而上面透明嘅係蕃茄同埋高湯整食嘅啫喱，食嘅時候記住一啖食晒呀，一啲都唔油膩仲有啲清甜添。
太刀魚天婦羅
產自日本嘅太刀魚，面頭加入少少海鹽，香脆魚肉又細膩。
碗物
湯內有九繪魚，石班魚嘅厚實口感。另外仲有蝦球，湯主要用作清新喉嚨。
深海池魚
肉質厚實，相對上比較濃味。
日本富山白蝦
口感軟身，加入左柚子醋，所以會鮮甜好多。
針魚
同樣係春天嘅時令魚類，同秋刀魚一樣同屬品種，但係味道會清甜好多。
赤鯥
用備長炭燒過，所以充滿油香又有炭香味。
池魚
肉質緊緻又濃味。
大拖羅
魚鮨味極重！入口即溶。
北海道馬糞海膽杯
用左北海道馬糞、醬油漬三文魚子和飯粒用咗比較濃味嘅海膽，一個字「鮮」。
海之茶奶凍
焙茶一種，口感非常幼滑，又有茶香。
如果唔想錯過其他好介紹，記得follow我呀😘多謝大家！！！
你嘅支持就係我嘅動力！記得點讚❤️
⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
張貼
