鐵飯碗

營業中

休息中

皇悅酒店內有間餐廳，主打多款精緻又地道嘅馬來西亞菜式，唔會特意迎合香港人嘅口味而改變烹調方式，有性格🤣 環境裝潢十分優雅，價定價都算合理，適合帶一家大細嚟食飯！一坐低就送上炸蝦片，香脆可口，配上辣椒醬更加惹味😋 頭盤賣相可愛，細細塊，方面食用，皮蛋五香炸肉卷外層包住腐皮，薄身又脆，內餡有豬肉，鹹鹹香香、娘惹海鮮小金杯以蝦、魚肉、松子混合而成，味道豐富、黑豚肉叉燒配上蜜汁，甜甜哋，又肥又開胃🤤主菜有煎大頭生蝦，兩大隻，香氣四溢，肉質新鮮又彈牙，搭配馬來甘香醬更加惹味、個人最喜歡呢度嘅黑毛豬肋骨，原條上，未食已經流晒口水，炭烤味香濃，啖啖肉，好美味～ 櫻花蝦啫啫雙花同樣出色，炒至入味，配飯一流，整體偏油，但可以一試🤣主食係星洲海鮮炒米，餡料豐富，有叉燒、洋蔥、芽菜、煎蛋、蝦仁、蔥等，米粉軟硬度適中，唔會過淋，濕潤度都唔錯，冇坊間食開嘅咁乾身，但反而食完唔會覺得口乾，有料😆 甜品有金銀芋摩摩喳喳，入面有少量芋頭、蕃薯等，為呢餐作個完美嘅ending！