影片
更多
2019-01-10
63 瀏覽
住咗黃埔四年 日日出入都會經過呢一個舖位 但係就一次都冇入過去 一上一手係做粉面嘅 因為冇咩特別之處 又可能係因為太近 永遠覺得前邊會有更多選擇所以永遠都唔會停留 又其實或者黃埔嘅餐廳競爭好大 中西日韓周圍都有 今日機緣巧合朋友提議食呢間 話想補下食花膠 都諗住每人要200 $300離開 最後竟然係兩個人$300有找仲要三味都有花膠 其實偶爾一餐都唔算貴冬菇蟲草響螺花膠湯 $70個盅正常份量一人size 絕對肯定冇味精平時新年先有機會阿婆會煲下 但係而家原來落樓就有得咁易飲到我唔敢講入邊嘅材料值唔值呢個價 但係我覺得計埋功夫既錢好難有數得計 所以純粹以材料衡量佢值唔值就唔係太公平花膠鮑魚汁撈麵$65呢個撈麵勁多花膠 我覺得咁多個來講呢個最抵食 下次黎一定會再叫 直程有回本嘅感覺 老闆（經理？）服務好好 過嚟問我地要唔要辣醬因為係自家製 10分建議鍾意食辣嘅朋友可以問侍應攞 大家唔好低估呢個辣醬因為真係好辣 但係好香口 稍微會蓋過咗鮑魚汁嘅味道 所以建議大家一開始食一杯冇辣醬嘅先 之後再撈辣醬食一定有驚喜海味泡飯$68個湯飯唔會好濃味好鹹 清淡得來你唔會覺得好掛 入邊有米通超好食 如
仲要三味都有花膠 其實偶爾一餐都唔算貴
冬菇蟲草響螺花膠湯 $70
個盅正常份量一人size 絕對肯定冇味精
平時新年先有機會阿婆會煲下 但係而家原來落樓就有得咁易飲到
我唔敢講入邊嘅材料值唔值呢個價 但係我覺得計埋功夫既錢好難有數得計
所以純粹以材料衡量佢值唔值就唔係太公平
花膠鮑魚汁撈麵$65
呢個撈麵勁多花膠 我覺得咁多個來講呢個最抵食 下次黎一定會再叫 直程有回本嘅感覺 老闆（經理？）服務好好 過嚟問我地要唔要辣醬因為係自家製 10分建議鍾意食辣嘅朋友可以問侍應攞 大家唔好低估呢個辣醬因為真係好辣 但係好香口 稍微會蓋過咗鮑魚汁嘅味道 所以建議大家一開始食一杯冇辣醬嘅先 之後再撈辣醬食一定有驚喜
海味泡飯$68
個湯飯唔會好濃味好鹹 清淡得來你唔會覺得好掛 入邊有米通超好食 如果入邊本身有多幾舊嘅話就加分啦
呢個甜品好友驚喜
大家有冇試過用花膠整嘅甜品 我就真係孤陋寡聞冇試過 我極鍾意個綠茶紅豆花膠糕
總括來講係有住家嘅味道 全餐只係碗湯入邊有少少瘦肉 但係真係食花膠食到飽好友滿足嘅感覺 平時食肉獸嘅香港人來講 絕對係一個新嘗試嘅好開始
張貼
