鮨一 (厚福街)

營業中

休息中

今晚去左一間樓上鋪，食高級日本料理。一坐低我哋見到吧枱上面有一個小魚缸，入面有一群好生猛嘅橙色迷你蟹仔，慢慢廚師呢啲係咩嘢嚟？ 原來佢哋會用呢啲蟹仔，去製作一款特色小食，蟹仔細細粒，炸到好香脆，好香口、唔油膩，就連蟹鉗、蟹爪、蟹腳全部都食得落肚，口感好特別。食日本料理必定要來一碟「刺身拼盤」，刺身好夠冰凍，三文魚厚切，好新鮮，而且賣相非常精美。接着係「安格斯牛肉鍋」，安格斯牛肉切得好薄、好靚，好香，充滿牛肉嘅鮮味，牛肉肥瘦同脂肪比例做到啱啱好，唔會太油膩，入口感覺到好香滑，無筋，有入口即溶嘅感覺，好似食緊高級和牛一樣。除此之外，當入面有好多唔同款式嘅蔬菜、冬菇、金菇等等，吸收晒日式湯底壽喜燒汁嘅味道，好鮮味，就連湯都可以飲埋。大大煲，好抵食，兩個人啱啱好，非常推介。