六小館

放假與購物精朋友逛東薈城名店倉Outlet，爆買完後搵食，朋友要吃廣東菜，立刻記起6樓的六小館主打新派粵菜，值得一試。餐廳座位寬敞，環境舒適，還有一排落地玻璃窗，睇景一流。除基本普洱、香片，還可選鐵觀音。我們兩人點了3道菜。🔶「古法清湯本地新鮮牛雜」湯底清甜冇味精，有牛腩、牛肚入口軟腍，牛筋滿滿骨膠原，蘿蔔也不可錯過，點辣椒油同吃，要吃到清碟！🔶「生啫黑豚芥蘭遠」夠惹味，黑豚肉同蝦乾爆炒芥蘭，熱辣辣上碟，鑊氣十足，蝦醬帶鹹香最啱送白飯，分分鐘食多兩碗。🔶「鍋燒滴漏雞油鮮野菌燴飯」，每日新鮮製造，啖啖雞油配香濃菇味，表面灑了瑤柱碎，燴飯飯粒濕濕地不油膩，兩個人食量剛剛好。隔離枱食「功夫吊燒三味脆皮雞」，賣相吸引，下次必試。