影片
更多
2022-09-22
4701 瀏覽
私房菜鋒膳致力將唔同地方嘅特色食材同粵菜融合，烹調成各道精品粵菜🥢 餐廳環境典雅闊落，亦設有獨立房間，私隱度十足～👨🏻🍳廚師發板 $1,680 per head-．三喜碟 首先員工為我地送上三道開胃小食，分別係醉翁鮑魚、鹽燒老人頭菌同川椒牛面頰。-醉翁鮑魚預先切開一件件方便客人夾，鮑魚爽口厚身，同甜甜地嘅杞子非常融合。鹽燒老人頭菌係黎自雲南高山嘅菌，含豐富蛋白質，比平時食嘅菇更爽口。黑椒牛面頰味道濃郁、口感軟腍，帶有少許辛口非常開胃！．宮崎快樂叉燒隻豬點解會咁快樂？因為佢平時會聽音樂🤣 同埋日本宮崎豬食高質飼料大，所以佢地味道同肉質都特別好，而餐廳秘製嘅醬汁蜜而不搶，每啖我都食得好快樂🐽．爵士湯由厚花膠、25年陳皮、豬展、螺頭同新疆哈密瓜熬製而成，湯水清甜滋潤🥰 飲完湯就到主菜嘅環節！．花雕汁帶子煎英䱽日本手釣英䱽魚外皮煎到香脆，肉質爽身，配上帶子同蟹籽，增加味道層次🐟．雙蒜XO醬炒帶子以蒜蓉同黑蒜炒北海道帶子王，配上三色椒同蘆筍🫑 巨型嘅帶子非常彈牙，索晒啲汁好惹味～．沙薑陳皮松茸燒雞以砂鍋上嘅本地三黃雞，食落好香口！．麻辣蕃茄涼麵主食係餐廳自家製嘅手工麵，麵質一流，配上麻辣豬肉碎
👨🏻🍳廚師發板 $1,680 per head
-
．三喜碟
首先員工為我地送上三道開胃小食，分別係醉翁鮑魚、鹽燒老人頭菌同川椒牛面頰。
-
醉翁鮑魚預先切開一件件方便客人夾，鮑魚爽口厚身，同甜甜地嘅杞子非常融合。
鹽燒老人頭菌係黎自雲南高山嘅菌，含豐富蛋白質，比平時食嘅菇更爽口。
黑椒牛面頰味道濃郁、口感軟腍，帶有少許辛口非常開胃！
．宮崎快樂叉燒
隻豬點解會咁快樂？因為佢平時會聽音樂🤣 同埋日本宮崎豬食高質飼料大，所以佢地味道同肉質都特別好，而餐廳秘製嘅醬汁蜜而不搶，每啖我都食得好快樂🐽
．爵士湯
由厚花膠、25年陳皮、豬展、螺頭同新疆哈密瓜熬製而成，湯水清甜滋潤🥰 飲完湯就到主菜嘅環節！
．花雕汁帶子煎英䱽
日本手釣英䱽魚外皮煎到香脆，肉質爽身，配上帶子同蟹籽，增加味道層次🐟
．雙蒜XO醬炒帶子
以蒜蓉同黑蒜炒北海道帶子王，配上三色椒同蘆筍🫑 巨型嘅帶子非常彈牙，索晒啲汁好惹味～
．沙薑陳皮松茸燒雞
以砂鍋上嘅本地三黃雞，食落好香口！
．麻辣蕃茄涼麵
主食係餐廳自家製嘅手工麵，麵質一流，配上麻辣豬肉碎，份量十足🔥
最後以雪耳木瓜燉白鴿蛋糖水同新疆吐魯番柚子蜜雪糕作結，非常滿足🥰
張貼
