AGE Cuisine Express (已搬遷) 新店位置

今日過開鰂魚涌搵朋友做嘢，夜晚做完嘢佢話去工廈區食牛朳，以為我會好出奇，好大反應！我講笑咁講，工廈食嘢我真喺好熟都習慣哂，但多數都喺觀塘區。雖然工廈區食慣食熟，但就真係冇諗過依個風氣發展到鰂魚涌！原來依間餐廳，提供堂食之餘，仲會有用 slow cook 煮至半熟嘅 package 攞出去賣，提供個機會俾繁忙嘅香港人喺屋企煮飯食！見個 menu 咁多選擇，我自己真喺唔識揀！唯有是但叫我鐘意食《安格斯肉眼扒伴紅酒牛肉汁》，我老友就叫咗《德國酥脆咸豬手伴普羅旺斯式酸菜及薄荷蕃茄汁》。偷嘢食都已經喺習慣，朋友叫嘅豬手真喺超鬆化，外皮香脆，內裏好有口感，食到豬手嘅原味，相佔依個就 slow cook 神奇之處！但最欣賞喺啲配菜，酸得又唔“確喉”，非常嘢味，簡直喺食慾大增！我自己叫嘅牛扒，真喺超 juticy，勁多肉汁！真喺想知師傅點樣做！雖然都有八成熟，但唔乾身，亦非常彈牙，而且老土講句，真喺牛有牛味囉，總之超正！依餐 total 446 蚊，喺工廈食嘢算係頗貴，但試過後真喺物有所值！