皇后飯店 (已結業)

話說同老婆去又一城睇早場兼行街街，睇完戲有啲肚餓搵野食就黎到呢到。呢間野食果啲都係茶仔野，但就係老式啲，服務好啲同環境好啲。叫左兩個飯餐同一個沙律。個餐包湯同包，個包就普通包。碗湯都幾好飲，牛味同茄味都濃，兼且啲菜都豐富過茶仔。跟住黎一個叫俄羅斯沙律。個沙律就係啲coldcut放係啲雜菜沙律到。講真，五十年前可能好正，但呢個年代真係無特別，或者係食個情懷。白汁雞皇飯，個汁幾濃有牛油香，有好多菇。雞肉都多都滑，但就好淋。杯凍奶茶係老式扒房或者西餐嘅細杯裝，飲兩啖無，同好普通。整體似乎係有錢佬想食茶餐廳野先食，我地日日食茶仔嘅人真係唔洗特別去，但乾淨同服務好就真嘅。