金記冰室 (黃大仙中心南館) (裝修中)

中湯味道適中，唔可以話特別鹹，又可以帶到少少湯既鮮甜味，算係飲過咁多間茶記中湯黎講算唔錯。叉燒滑蛋配白飯，蛋如名，非常順滑，叉燒算係一般，冇咩嘢特別，但係整體黎講性價比都算高。同埋個口感都唔錯，味道黎講，對於食開重口味既我黎講，都叫有味。霸王雞配白飯，雞比較厚身、雞腿雞胸雞背肉都有，唔會似其他茶記純俾雞胸肉柴到爆，佢雞既口感一流。出菜到檯面既時候，熱油淋面既香味都仲保留係到，一口雞再配白飯，簡直一流！十分推！