高街麵霸 (已結業)

地鐵開咗之后多左好多外國人搬入黎住，西環小店開始末落，取而代之，係開咗好多咖啡店、西餐廳、酒吧等。其實仲有好多人（包括香港人同外國人）都想食到香港地道風味，高街面霸就係睇中哩個需求。店鋪裝修擺咗好多心機入去，既有傳統香港特色，亦有「Hip」嘅一面去迎合外國人后生仔口味，入面座位廿零個，適合三五知己去食。我去食嗰曰，當時有一班11個人想食，但就冇辦法一齊坐，最後走咗。叫送方法係點心紙，可以揀送、粉面、腩汁/清湯，麻辣（小中大）或走辣。我揀中麻辣腩汁都幾辣下，但個腩汁好寡，似清湯多D，有少少失望。另外四個送蘿白唔夠甜、亦唔算新鮮，唐生菜不過不失，魯水雞亦尖算正常水平，北海道蟹柳最好味。整體黎講冇乜驚喜，但亦唔難食。但埋單要成70蚊，不禁慨嘆，質素比以前小店差几條街，但價錢就貴成倍。