亞古鍋 (已結業)

睇大家嘅食評，九成九都讚好!就來試一試！係得呢幢大廈嘅都唔會特別平。這裏走中高檔路線，黑暗環境想營造高格調氣氛？的確幾舒服。見大家都激讚亞古招牌湯底，由紅棗、南棗、雞、螺頭（好細粒）煲成，即管一試。味道濃郁！店員一開始叫我哋每人一碗試吓味，咁樣飲湯底都係第一次！不過飲咗幾啖覺得有啲鹹.... 廣島蠔（$88）味道都OK。安格斯肥牛.. $298 賣相同味道都好。呢個黑毛豬有驚喜！口感非常好！（$168）好大粒鮮蝦。另外叫咗烏冬、蔬菜盤、皇帝菜、響鈴、等等，掛住食沒有拍照了！整體來說，環境食物都不俗，但係都真係幾貴！價錢唔係親民嗰種囉⋯⋯帶蛋糕來要比$150切餅費（入門口講一次、想上旦糕之前再講一次...）另外他們還未申請到酒牌，暫時有汽水：softdrink供應，$42罐汽水... @@但係容許客人自己帶酒來飲，你哋唔錯！基本上店員都很有禮貌，動作都好快... 不過有位姐姐感覺就唔太親切... 總結如果諗住俾錢食好嘢，我唔會揀呢度。覺得唔值... 因為我是一個平民！ 另外呢度抽風系統做得唔錯，唔會食完一陣味。