影片
更多
2023-03-10
45 瀏覽
今日平日放假，最好就係約閨蜜去食個高貴午餐。去完銅鑼灣行街，就去左呢間傳統韓國料理嘅高級餐廳，佢位於23樓，餐廳都採用落地玻璃，一入到去就望到成個維園同埋銅鑼灣鬧市嘅街景，仲有一望無際校維多利亞海景，居高臨下既感覺好有氣派，仲加上今日天氣好好，藍天晴空，真係心曠神怡！餐廳環境一流！坐得十分之舒服，我地食左兩個幾鐘都一啲都唔趕！ 佢個menu主要分為三道菜($438)同四道菜($538)，我地今日每人嗌左四道菜menu： <4-courses menu>🔸️特色傳統粥 （8.8／10）佢係用當造特色韓國蔬菜，韓牛，新鮮蜆肉同埋自家種嘅大米煲1.5小時既粥，上面仲要配合一塊大米脆脆。脆脆米配上綿綿既粥，有兩款口感，好有層次，個粥好有鮮味🐚！ 🔸️海鮮清湯配烤釜山鮑魚（8.8／10）好精緻豪華既湯，上面有層泡沫，食入口好似棉花空氣咁！好得意！湯味道都十分之清甜，鮑魚鮮味😋😋 🔸️ 烤韓牛 （9.3／10）我同朋友一人嗌一款唔同既main course share。呢個烤韓牛十分十分十分juicy同焾，甜甜地十分好味，點埋佢既sauce好好味！ 🔸️ 36小時慢煮濟洲黑毛豬五花（9.2
<4-courses menu>
🔸️特色傳統粥 （8.8／10）
佢係用當造特色韓國蔬菜，韓牛，新鮮蜆肉同埋自家種嘅大米煲1.5小時既粥，上面仲要配合一塊大米脆脆。脆脆米配上綿綿既粥，有兩款口感，好有層次，個粥好有鮮味🐚！
🔸️海鮮清湯配烤釜山鮑魚（8.8／10）
好精緻豪華既湯，上面有層泡沫，食入口好似棉花空氣咁！好得意！湯味道都十分之清甜，鮑魚鮮味😋😋
🔸️ 烤韓牛 （9.3／10）
我同朋友一人嗌一款唔同既main course share。呢個烤韓牛十分十分十分juicy同焾，甜甜地十分好味，點埋佢既sauce好好味！
🔸️ 36小時慢煮濟洲黑毛豬五花（9.2／10）
呢個豬又係另一個好味！豬五花脂肪分佈平均吸引，燒得香脆但裏面都有肉汁，包住紫蘇葉同洋蔥一齊食超好味！
🔸️ 珍珠米飯伴五色伴菜（9.4／10）
主角黎啦！🤩餐廳原來喺釜山有自家農場種珍珠米，仲要直送香港，餐廳用壓力煲煲飯，喺你面前開煲飯盛飯，真係好有儀式感！仲有佢配左5款韓國特色伴菜，真係突出到米飯既煙靭好味，係我食過最名貴好味既米飯！仲要讚下佢碗48小時鰻魚湯都好好飲！
☕️英式茶/咖啡 伴 韓式甜點（9／10）
韓式甜點係傳統既蕎麥糕，俾茶或black coffee都係一個完全作結！😊
✏️總括而言，環境一流，韓國fine dining菜有特色有水準，絕對值得一試！佢好似黎緊4月會新推出韓牛menu，遲啲又要去試下！😋
5 瀏覽
0 讚好
0 留言
張貼
