影片
更多
6天前
0 瀏覽
前日同同事一行六人揀咗喺呢度食午餐。其實對於呢間餐廳真係冇咩好感，原因係佢剛開業的時候有同事試過午餐，結果等上餐就用上45 分鐘（所有打工仔大部份都係得一小時午膳，趕死人咩點可以好好用餐，好彩嘅係我哋係附近返工，以為佢新開張，所以不多不少都會有啲沒完善）我哋訂枱13:00， 12:45到達佢話未夠鐘冇位入坐，於是乖乖地等候，在等待其間要求落單先，以免耽誤用餐時間，點知門口帶位的外籍女侍應最初回覆話只有VIP先可以pre-order，真係第一次聽有咁嘅規定。最後12:50又話可以落order，真係唔知佢想點，我哋揀咗五個漢堡包餐，－個雞肉墨西哥餡餅。到13:00入座，放低幾杯水之後就開始等上前菜，大家一心以為餐湯或沙律會好快有，結果等到13:30先送到枱。之後如是者又等，其間已經查詢過幾次，答案只係話準備中，到最後有一個外籍男侍應走嚟話兩三分鐘之後就到。唯有再等，此時已經13:50分，佢嘅等餐時間一啲都冇改善過。三分鐘之後真係上咗嗰個墨西哥餡餅，其餘的又冇踪影。當時其他枱都已經上哂餐，只有我哋有呢個情況出現。結果五個同事用秒速吞唒呢個等了又等的午餐，而我覺得佢太離譜所以即時走咗。如果呢個
前日同同事一行六人揀咗喺呢度食午餐。其實對於呢間餐廳真係冇咩好感，原因係佢剛開業的時候有同事試過午餐，結果等上餐就用上45 分鐘（所有打工仔大部份都係得一小時午膳，趕死人咩點可以好好用餐，好彩嘅係我哋係附近返工，以為佢新開張，所以不多不少都會有啲沒完善）
我哋訂枱13:00， 12:45到達佢話未夠鐘冇位入坐，於是乖乖地等候，在等待其間要求落單先，以免耽誤用餐時間，點知門口帶位的外籍女侍應最初回覆話只有VIP先可以pre-order，真係第一次聽有咁嘅規定。最後12:50又話可以落order，真係唔知佢想點，我哋揀咗五個漢堡包餐，－個雞肉墨西哥餡餅。到13:00入座，放低幾杯水之後就開始等上前菜，大家一心以為餐湯或沙律會好快有，結果等到13:30先送到枱。
之後如是者又等，其間已經查詢過幾次，答案只係話準備中，到最後有一個外籍男侍應走嚟話兩三分鐘之後就到。唯有再等，此時已經13:50分，佢嘅等餐時間一啲都冇改善過。
三分鐘之後真係上咗嗰個墨西哥餡餅，其餘的又冇踪影。當時其他枱都已經上哂餐，只有我哋有呢個情況出現。
結果五個同事用秒速吞唒呢個等了又等的午餐，而我覺得佢太離譜所以即時走咗。
如果呢個餐廳繼續要客人用45分鐘至一個鐘去等午餐上枱的話，真係唔知要用幾多時間先用餐完畢，極度失望，失望，失望！
等咗半個鐘先上枱的House of salad
0 瀏覽
0 讚好
0 留言
張貼
