池記 (已結業)

池記都算係老字號，都幾岀名。晚飯時間都要排20分鐘左右我地叫左:炸鯪魚球: 最好食係呢個，一碟有四粒。成粒都好扎實，好足料，唔會好多粉果種，真係啖啖肉。外面炸得脆脆地，但唔會燶。外脆內軟 加啲醬 會仲好食。蘿蔔牛筋腩菜飯: 肉既份量好多，蘿蔔炆得好透，好淋好入味。牛筋唔算多，但牛腩好足，雖然淋，但都有得咬果種 唔係一般既淋。都係好入味，送飯好好食。連菜飯一齊食 有菜中和左肉既肥膩感，當然啲牛腩唔係肥，大概係3分1肥 3分2瘦，肥瘦適中。豬軟骨雲吞麵: 雲吞麵係池記既招牌，所以黎呢到一定要食雲吞！每粒雲吞裡面都有大大既蝦仁，雲吞唔算好大粒，但好飽滿，好料足！每一粒都皮薄餡靚！仲有三四舊豬軟骨，大大件，豬軟骨每一啖都有醬油味，好入味，小小咸。同麵一齊食，令到麵既鹼水味退去，中和肉既咸味，成件事好完美。上湯芥蘭: 就係水灼芥蘭，幾乎無鹽，食左其他咁多味道既野食，清清地咁幾好。