牛舞日本燒肉‧涮涮鍋放題 (1亞太中心) (已結業)

👏🏻燒吞拿魚沙律呢度除咗燒肉係任食，仲有其他前菜小食都係任食，依個燒吞拿魚沙律都係任食，吞拿魚燒到半熟，好嫩，好香，沙律菜又夠新鮮，好開胃！👍🏻小食其他小食我地就試左章魚小丸子，炸洋蔥圈同埋甲羅燒，章魚小丸子有好大粒八爪魚，煙煙韌韌餡料豐富，洋蔥圈炸得好脆好香，完全都唔會油膩，另外甲羅燒就好多蟹膏同蟹肉，燒完出嚟好鹹香，味道好好！🫶🏻牛舞拼盤呢個有唔同部位嘅薩摩和牛，我最鍾意佢哋嘅牛脷，好有口感，薄切都好煙靭，味道又好好，又香牛味！和牛薄切既牛肉都好軟嫩！🫰🏻羊肉片另一款任食既肉類羊肉肉質都好好，又唔會覺得騷，但羊味仍然好食到，啲肉又夠晒腍，燒完出黎認真香呀！🤟🏻牛肉我地亦另外有叫牛肋肉同澳洲牛腹肉，牛肋肉比較有質感，有啲筋位，牛腹肉肉質就比較嫩，比較腍身，但係兩個都好好食，都係好重牛味！