胡爐 (已結業)

又嚟到尖沙咀嘅美食街，今次去到胡爐打邊爐，裝修有格調，餐具都好靚～首先叫返個火鍋湯底先，胡椒豬肚花膠雞鍋，雞件同埋花膠嘅份量都超多，雞肉有事先焯熟少少，放入鍋內可以快啲食得，皮爽肉彈～充滿骨膠原嘅花膠，浸住胡椒豬肚湯好入味，正！當然要order返個胡爐牛拼盤，有薄切牛舌芯，爽彈口感，牛頸脊肉味香濃，霜降牛肉粒肉嫩有咬口～叫返個小食，糖心皮蛋酸薑，等水滾個陣可以食住等，開胃酸薑配q彈糖心皮蛋，好夾又好味😋～火鍋材料唔少得多款手打丸拼盤、餃子拼盤、同埋蔬菜拼盤，咁就可以試到最多唔同種類嘅食物，大滿足～粒粒丸都好彈牙，爽口～鮮蝦雲吞好多蝦，啖啖肉～多款蔬菜，均衡健康～