影片
更多
2022-09-29
10 瀏覽
近年omakase大行其道，今次去試既呢間係位於中環既"賞櫻"(好好聽既名~)門口黑黑的一大道門咁，只有簡單的細細招牌，稍不留神真係會走過左都唔知。厚黑的倘門打開後，就係一條旁邊掛上了日式掛畫的細長通道，好似走進神秘的通道，然後通往享受一場夢幻精緻既饗宴。餐廳格局高尚、清幽、典雅，只有10個左右的bar枱位置，所有客人都可以欣賞到師傅既手藝，亦可以隨時與師傅交流。一坐得就俾左一碟鱈魚乾我地，脆卜卜、鬆化，濃味。"賞櫻"既dinner omakase，有3個選擇:《壽司十貫》$1380、《花》$1680、《見》$1880。我地㨂左《花 Hana omakase》: 剌身四皿、 一品料理、 壽司六貫、湯、甜品。今日serve我地既師傅係煒師傅，首先細心了解每位客人既飲食禁忌／敏感，然後就開始今晚既omakase。個menu無寫，原來呢個Hana omakase都有前菜。前菜🍱一個木盒上，師傅講解，由左下食起，依次序:🌸1.天婦羅雞泡魚: 超脆外層，魚肉豐厚，咸鮮十足🌸2.炸白蝦:卜卜脆,又新鮮,蝦仔細細,蝦味好濃郁🌸3.蒓菜伴海膽馬糞: 師傅講解，蒓菜呢種食材，本身因為要保護自己，所以會有
今次去試既呢間係位於中環既"賞櫻"
(好好聽既名~)
門口黑黑的一大道門咁，只有簡單的細細招牌，
稍不留神真係會走過左都唔知。
厚黑的倘門打開後，就係一條旁邊掛上了日式掛畫的細長通道，
好似走進神秘的通道，然後通往享受一場夢幻精緻既饗宴。
餐廳格局高尚、清幽、典雅，
只有10個左右的bar枱位置，
所有客人都可以欣賞到師傅既手藝，亦可以隨時與師傅交流。
一坐得就俾左一碟鱈魚乾我地，脆卜卜、鬆化，濃味。
"賞櫻"既dinner omakase，
有3個選擇:《壽司十貫》$1380、《花》$1680、《見》$1880。
我地㨂左《花 Hana omakase》: 剌身四皿、 一品料理、 壽司六貫、湯、甜品。
今日serve我地既師傅係煒師傅，
首先細心了解每位客人既飲食禁忌／敏感，
然後就開始今晚既omakase。
個menu無寫，
原來呢個Hana omakase都有前菜。
前菜🍱
一個木盒上，師傅講解，由左下食起，依次序:
🌸1.天婦羅雞泡魚: 超脆外層，魚肉豐厚，咸鮮十足
🌸2.炸白蝦:卜卜脆,又新鮮,蝦仔細細,蝦味好濃郁
🌸3.蒓菜伴海膽馬糞: 師傅講解，蒓菜呢種食材，本身因為要保護自己，所以會有一層薄膜覆蓋，呈啫喱狀，質地滑浖浖，用筷子係夾唔起。所以進食時要好似飲酒咁連埋海膽一啖飲晒。清新既蒓菜，更托顯海膽鮮味。
🌸4.黑梅貝:其實係一種日本東風螺，肉質彈牙
唔好忘記，以上，只係前菜黎咋!!
已經好豐富精緻!!
刺身四皿
一、水母刺身‧松葉蟹凍配馬糞海贍‧北寄貝‧赤貝
擺盤好靚好精緻，左上角既蘿蔔雕花盡顯師傅功架，見到已經好心心眼既刺身一皿。
💮水母刺身
純天然，晶瑩透亮，口感彈牙爽脆，蘸上芝麻、酸汁，味道清新開胃。
💮松葉蟹凍配馬糞海贍
個松葉蟹凍製作用心，用上蟹肉、蟹膏、蟹水去整，
連馬糞海膽一啖食落去，
蟹同海膽既鮮味係口腔濃郁地爆發!
千祈唔好點豉油/wasabi
💮北寄貝
師傅配上青檸汁，唔使點其他，突顯甜味﹗
完全係爽、鮮、甜、清
💮赤貝
係比較濃味既貝類
以上睇落已經有幾味刺身，不過，呢度原來只係算一皿!!!!
刺身繼續陸續有黎…
二、北海道生蠔 伴柚子酸汁啫喱
隻生蠔超級大隻﹗
為方便進食，師傅先切開一分二奉上。
生蠔上面伴以柚子酸汁啫喱，
酸酸地，同生蠔味好夾﹗
生蠔肉質肥美creamy，淡淡海水味。
三. 白魚真鯛卷•鮟鱇魚肝•牡丹蝦配 帆立貝伴海膽粉•天然鯖魚•水果蕃茄
💮依次序，首先係食右下既白魚真鯛卷。
真鯛薄切，入面卷住toro蓉，
上面配以金色飛魚子。
師傅分享，呢個係唔係一般平時食開嘅飛魚子。
佢呢個係無色素添加，粒粒分明、晶瑩剔透。
唔係鱒魚籽會痴埋一齊，又或者多春魚子/蟹子咁實色。
💮第2係右上既鮟鱇魚肝。
製作繁複：首先要去衣，再燒血管黎辟除腥味。由於儲存雪藏過， 師父喺serve之前，用火槍燒下，令魚肝回復溫度 ，有利油分帶出。
處理過嘅鮟鱇魚肝，油香味濃，完全冇苦味，
配上蘿蔔蓉加少少辣椒，
豐富口感，美味。
💮然後就係中間嘅牡丹蝦同帆立貝。
牡丹蝦頭已清蝦膏，放咗喺蝦身上面，
完全唔使落豉油，味道鮮甜。
帆立貝好有特色！
表面饌滿甘鮮生甜的海膽粉。
海膽粉係用新鮮海膽，炒乾然後造成，絕對是心機食材。
💮接著按順序，就係食左下既天然鯖魚。
平時多數都係食醋鯖魚，
今次呢個係天然鯖魚，醬油漬制，
師傅略燒處理，完全唔同平時既醋鯖魚。
千祈唔好點豉油/wasabi,要好好享受天然鯖魚既鮮美！
好濃味，肉質又滑！
上面既係山芋蓉，類似淮山既食物，
製成蓉，呈粘稠漿液，含有豐富纖維，對腸胃有益，食個omakase都食得健康😌😎
💮最後係右上既"水果蕃茄"
甜度8，甜到歸屬水果類。
輕點岩鹽，更帶出甜味。
四.紫菜包拖羅
呢度好有心思，唔係簡單嘅就咁紫菜包一片拖羅，每樣細節都好細緻講究。
首先除左紫菜之外，佢仲加咗一片黃豆紙，用以隔開油份，保持紫菜爽脆。
入面既拖羅，採用嘅係一片中拖羅+一片吞拿魚露天。
中拖羅預先用岩鹽、紫蘇葉、wasabi莖制成既漬物調味，漬物好有wasabi香氣，而唔辣。
大拖羅用吞拿魚腦天，
腦天生食會有根，咬唔爛，處理上需要順根切，或者燒。
師傅用火槍略燒腦天處理，
使外面焦香，中間保持生嫩
入口簡直多重享受，好似一個精彩既協奏曲咁！
🐟一品料理
已經覺得超級滿足，
原來只係完成刺身部分，繼續落黎既係熟食-汁煮子持香魚。
師傅介紹既係當造既"子持香魚"
所謂“子持”， 顧名思義即係有bb咁解，
類似多春魚咁，魚腹內有魚春。
個汁以魚頭魚骨熬成，鮮甜無比。
子持香魚食香葉，所以有獨特既魚質香味，魚肉質綿。
魚腹入面仲有魚春、魚潤。
魚骨原來仲可以食埋。
壽司六貫
係呢個環節，薑係不可或缺嘅，
擔當壽司之間嘅味道清道夫。
"賞櫻"連薑都講究到，用既係日本沙律姜，可生食，比子姜嫩、無渣。
師父講解畀我哋知，唔好睇小呢嚿薑，處理步驟都好繁複：
要用細細流水“啤”水一晚，以去辣味，
再分兩次浸甜醋,醃2、3日，
爽甜無渣。
壽司用上赤醋飯,
赤醋需要時間釀制，
色啡、醋味香， 唔係普通一味酸，
整sushi飯既技巧都多d，
打唔混既話d色就會唔靚。
師傅細心，可能知道女士呢個moment都已經飽飽哋，壽司可以少飯。
飯加左wasabi，wasabi的份量亦可跟師傅溝通
🍣1.伊佐目
亦稱雞魚。
調好晒味,淡味既白身魚。
🍣2.北海道天然野生鮫鰈魚
亦即係右口魚
左口魚通常養殖，淡口，油分輕
處理真鯛、左口要雪1、2晚，放鬆神經肌肉，肉質先鬆軟
而鮫鰈魚，本身魚肉就嫩滑d。
今次師傅好精彩地，一件壽司用上一條魚2個部位-魚身、魚裙邊。
魚身魚味濃郁，
魚邊油份重，經燒灸過，更添焦香、濃郁甘香！
一次過已經食齊魚嘅兩個部位，精彩！
🍣3.銀鱈魚配明太子（鱈魚子）
重油分，獨有銀鱈魚味
🍣4.醬油漬鰹魚配醋面豉，芝麻粉
鰹魚其實一年四季都有,
不過鰹魚四季食既野唔同，所以味道都會唔同
鰹魚魚質結實，味濃，帶少少煙燻味
🍣5.黑鯥 配白松露
肥美滑嫩鮮甜、油質重無渣，
好突出的清新魚味。
🍣6.赤海膽
赤海膽厚身、濃郁、鮮甜，
師傅好特別，
用左“磯之雪”壓成既類似蛋撻紙托既小盤咁盛載海膽上桌。
“磯之雪”係用昆布加米漿造既一張食得既紙咁，
脆身爽口，放耐左都唔痴口、唔韌。
連埋海膽一齊食。特別！
🥣湯
麵豉湯，仲要有大大隻鮮甜彈牙既蝦！
🍰🍈甜品
甜品都好慷慨有2款：
靜崗蜜瓜、朱古力蛋糕
朱古力蛋糕特別之處係配以分子料理雲呢拿味魚子。
係師傅好有心機，每一粒都係人手一滴一滴整出黎！
淨係呢d雲呢拿味魚子，師傅都預先整左1個鐘頭以上！
總結一下,
呢個omakase,
真心無比精彩！
每個細節都盡顯功夫、技巧、用心、驚喜！極級享受！
絕對大推！
張貼
