家賀屋

最近突然間又好想食日本嘢，於是約埋朋友一齊喺公眾假期之前食餐勁嘅，朋友問我有冇去過銅鑼灣呢間家賀屋，我話冇，佢即刻好驚嚇，話咁我哋一定要去食呢間，結果食完之後我真係明白點解佢咁推介呢一間。首先呢度裝修好有日本風，而且坐得好舒服，啱晒約埋朋友一齊嚟傾偈飲嘢同食嘢。當然啦，呢度嘅服務態度都幾好，店員全部都好友善。嘢食方面都十分之高質。鹽燒仙台熟成牛舌芯係我食過最好食嘅，可能就係因為係熟成，所以分外嫩，口感超正！之後就叫左海膽龍珠卷，又有海膽又有toro，不過最好食都係個蛋黃，一口食落去個口感超complex，難怪係網上有超高人氣！餐廳依家做緊會員優惠，免費登記之後可以優惠價食原隻北海道象拔蚌刺身。佢檸檬同柚子人食，特別清新爽口！sushi我地要左我地最鍾意嘅深海池魚同油甘魚，兩款都好肥美好新鮮！三文魚頭湯都好濃郁。之後要埋個生薑燒安格斯牛肉丼定食，平時都係生薑燒豚肉，今次安格斯牛肉，所以更加昇華！套餐都有配海帶味噌湯、胡蔴田園沙律同曰式燉蛋。飲品方面，我哋就叫咗一杯超大杯嘅巨峰提子乳酸梳打酒，真係一杯都夠兩個人飲！