Nathanhouse (已結業)

本來約咗朋友去奧海城睇戲食飯，點知佢突然有事唔黎得，唯有自己去大食代搵食，行到盡頭見到有間高雅的Nathanhouse餐廳，主打高質fusion 菜。餐牌上有多款套餐，一人餐正啱我自己一人食。忌廉蘑菇湯，口感綿滑，有香濃蘑菇味道。法國生蠔蠔味濃郁，有少許海水味。比目魚是性價比最高的海產魚鮮之一，肉質細嫩而潔白，廚師將魚柳連魚皮都煎到金黃色，十分香口，比目魚細膩的口感，入口即化，豐富的脂肪令人齒頰留香。點上特別調製的汁醬，令魚更鮮更好味！椰子雞湯燴鮮海蜆，見到隔離枱食到讚不絕口，我都叫黎試吓，真係唔錯，奶白色嘅湯鮮甜美味，用嚟煮海蜆，鮮上加鮮，蜆肉冇沙，肉質飽滿，鮮甜滑嫩。餐飲凍檸茶，茶味夠濃，甜度啱啱好！