90s Lazy (先施大廈) (已結業)

呢間係我去過其中一間環境同氣氛最好嘅黃店,佢啲野食都好好味真係一間高質cafe,但係價錢就偏貴。今次我同班朋友去慶祝其中一個朋友嘅生日,所以特登揀咗一間比較高級嘅Cafe。我哋點咗四款唔同嘅Pasta, 有意粉同埋蝴蝶粉,佢哋個意粉醬好特別唔會太creamy又好夠味。係比較正宗嘅意大利煮法,一般都唔會太膩,減緊肥嘅人都可以去食。佢每一碟嘅份量唔大,所以要叫埋小食先夠飽。佢哋嘅服務都好好,但係坐位唔夠,所以如果好想食就一定要預先訂位。