Flying Pig Bistro

營業中

休息中

同朋友經過高街，行咗成條街就決定食呢一間餐廳，見到佢哋嘅lunch menu都有幾多選擇，而且個價錢都合理。只需$118，就包左頭盤、主菜、甜品同嘢飲。入到去職員都好有禮貌，而座位都幾多又唔會太迫！咁頭盤方面我就揀咗佢哋嘅鴨胸沙律同迷你漢堡包。沙律都好新鮮，而且配合埋香醋，酸酸地非常之開胃，鴨胸肉都幾多，個沙律份量都好大份👍🏻個迷你漢堡包係手撕豬肉，一啖放落口就啱啱好，豬肉都唔會好乾，而且非常Juice！主菜就叫咗佢哋嘅三文魚，三文魚嘅質感好滑，配合埋佢哋嘅芥茉醬、香蔥、其他香料等，真係好好食🥰 而最後甜品係Apple crumble，佢哋焗到外脆內軟，而且唔會好甜，啱晒我嘅口味！