88 HIGH STREET (已結業)

星期日同老公到西營盤88 HIGH STREET食晚飯。依家有一個promotion，$88就可以食到一碟封門牛柳番茄醬意大利麵，於是我哋就嗌咗呢一碟意粉同埋一個西冷牛扒。封門牛柳番茄醬意大利麵意粉嘅味道就好似肉醬意粉咁，但就以番茄為主，無免治牛肉，取而代之嘅係封門牛柳，牛柳有三片，口感好嫩滑，牛味突出，好味。澳洲西冷牛扒西冷叫咗十成熟，但係肉質都唔會變得好難咬好硬，另外有大啡菇、沙律、蒜頭同薯條做配菜，薯條係幼薯，炸得非常香脆。