影片
更多
2024-03-01
1429 瀏覽
ZipZip📍銅鑼灣霎西街28號必發商業大廈1樓朋友知道我一向好鍾意去一啲可以打卡嘅地方食嘢，當佢同朋友去過Zipzip後，決定帶我去食一次，話我一定會好鍾意嗰度嘅vibe，亦會欣賞佢高質嘅環境同食物！知我心意嘅佢又點會甩轆呀，去到見到大量好有個性嘅擺設、海報同浮誇嘅裝飾，人未食，相機就已經食先。因為訂咗位，所以店員安排我哋坐喺大玻璃窗下，配合各種串燈燈飾，有種似坐喺室外嘅感覺，既有玩味又幾浪漫。我仲同朋友講笑話，嚟呢度食情人節晚餐都唔失禮喎，佢就好得戚咁講：「緊係啦，我揀㗎嘛！」佢食過一次之後，話好欣賞設計menu、菜式同門面嘅人，因為可以感受到佢哋嘅用心，由選料配搭到擺盤命名，每一環都幫助到營造氣氛，令人放鬆享受每道菜嘅滋味。 💰$158有蟹GO又有蟹肉的蟹蟹蟹意大利扁麵 🦀菜名有5個蟹字，可想而知蟹味有幾濃！雖然個名古靈精怪，但真係名副其實有齊蟹膏、蟹肉、蟹鉗同蟹籽，賣相吸引，味道一流。呢道意粉選用扁身、較掛汁嘅linguine，以大量蟹膏、蟹肉、同蟹籽調製醬汁，入口滿滿蟹味！蟹膏醬偏灰，蟹味濃厚甘香，拆絲蟹肉、小蟹鉗淡香清甜，蟹籽增加色彩同口感，完美運用到蟹嘅每一部份。份量唔算
📍銅鑼灣霎西街28號必發商業大廈1樓
朋友知道我一向好鍾意去一啲可以打卡嘅地方食嘢，當佢同朋友去過Zipzip後，決定帶我去食一次，話我一定會好鍾意嗰度嘅vibe，亦會欣賞佢高質嘅環境同食物！
知我心意嘅佢又點會甩轆呀，去到見到大量好有個性嘅擺設、海報同浮誇嘅裝飾，人未食，相機就已經食先。因為訂咗位，所以店員安排我哋坐喺大玻璃窗下，配合各種串燈燈飾，有種似坐喺室外嘅感覺，既有玩味又幾浪漫。我仲同朋友講笑話，嚟呢度食情人節晚餐都唔失禮喎，佢就好得戚咁講：「緊係啦，我揀㗎嘛！」
佢食過一次之後，話好欣賞設計menu、菜式同門面嘅人，因為可以感受到佢哋嘅用心，由選料配搭到擺盤命名，每一環都幫助到營造氣氛，令人放鬆享受每道菜嘅滋味。
[價錢 Price]
💰$158
有蟹GO又有蟹肉的蟹蟹蟹意大利扁麵 🦀
菜名有5個蟹字，可想而知蟹味有幾濃！雖然個名古靈精怪，但真係名副其實有齊蟹膏、蟹肉、蟹鉗同蟹籽，賣相吸引，味道一流。
呢道意粉選用扁身、較掛汁嘅linguine，以大量蟹膏、蟹肉、同蟹籽調製醬汁，入口滿滿蟹味！蟹膏醬偏灰，蟹味濃厚甘香，拆絲蟹肉、小蟹鉗淡香清甜，蟹籽增加色彩同口感，完美運用到蟹嘅每一部份。份量唔算多，但勝在口感香滑有層次，意粉麵質爽口，值得推介。
[價錢 Price]
💰$138
以為食緊片皮鴨比薩 🍕
菜名講出我嘅心聲，食食下真係講咗句：「我以為食緊片皮鴨pizza！」雖然俾對pizza好有執着嘅意大利人見到可能會嬲到震，但我自己其實一向好鍾意食fusion pizza，咩三杯雞pizza、榴槤pizza、泡菜豬肉pizza，我都食過，而且仲幾鍾意食添！
呢度嘅pizza統一都係十吋薄批，無一般好厚好多芝士嘅crust，係我最鍾意嘅脆脆口感！Pizza dough上鋪滿拆絲烤鴨肉，灑上食片皮鴨常見嘅配菜—青瓜條同京蔥。令整道菜錦上添花嘅係佢嘅秘製醬汁，還原片皮鴨醬汁嘅味道，同時為pizza適當調味。主角鴨肉以外，仲加入香醇嘅芝士，足料非常。由呢個pizza睇得到廚師嘅用心，貌似玩味大伏嘅菜式，原來食落好夾好好味，刻意製造記憶點，令我哋留下好深刻嘅印象。
[價錢 Price]
💰$58
今日咩心情？_？
開心果提拉米蘇 ☕️
一心打算叫一份waffles嚟食，但發現想食嘅培茶同紫薯口味當日都未有供應，所以決定問店員：「今日咩心情？」原來今日心情好開心，仲有double嘅開心，所以推咗兩款開心果口味嘅甜品，開正我嗰瓣！
識我嘅都知，我食親cafe或西式餐廳，可以唔叫飲品，甚至唔叫main，但如果唔叫返件甜品，就會周身唔聚財！目前我最愛嘅甜品係tiramisu，第二係cheesecake，同分嘅仲有拿破崙。聽到兩款都係用開心果整嘅甜品，更加係失去理性，無論如何都想食晒兩款！
Tiramisu份量都唔細，開心果味唔算濃郁，反而有好香嘅咖啡味同酒味，比例大概係2：8（開心果：咖啡同酒），口感豐厚，但食落無太大負擔，不知不覺食晒成件！
[價錢 Price]
💰$58
今日咩心情？_？
開心果巴斯克芝士蛋糕 🍰
比tiramisu更出色嘅係開心果basque cheesecake，用眼就睇得出呢種開心果獨有嘅綠色，同食開實定定嘅basque有好大分別。呢款甜品嘅開心果味出好多，同軟滑醇香嘅芝士相輔相成，蛋糕面burnt得好靚，倒埋cream喺上面，成件藝術品咁。
[價錢 Price]
💰$58
豆漿加豆腐加豆腐雪糕加芝麻沙冰 🍧
三大豆類再加上芝麻，配搭新穎有趣。沙冰有清新嘅豆香，亦不失芝麻香味，加上用懷舊風嘅玻璃杯裝住，好睇又好味。
張貼
