影片
更多
2014-05-18
5689 瀏覽
好耐未食過泰國菜，本來想去九龍城食，但驚要排餐懵又坐得唔舒服，所以就提議一直 on wish list 既 Mango Tree 喇! 圓方既 Mango Tree 位置比較偏，到達商場後要望一望個 Directory 先敢行，如果唔係行錯路就有排搵喇~行左好一陣子終於到達，餐廳裝修簡約但高貴，落地玻璃可望向維港，仲可見到幻彩詠香江，坐椅亦十分舒服，適合與三五之己傾計。大部份侍應都係泰國人，落order時正想講英文，但原來佢係操流利廣東話~飲品方面，西瓜冰 (Watermelon Frozen Smoothie) 絕對係消暑既最佳選擇，入口非常冰凍，要攤一陣先可以飲，無人造西瓜味道，反而覺得係用上新鮮西瓜而成。而 Jasmine Belle 味道酸酸甜甜，雖然名字有茉莉，但味道唔夠突出。講返食物，今晚叫左泰式生蝦刺身、海鮮冬蔭、酥炸軟殼蟹、泰式豬頸肉、咖哩炒蟹、芒果炒飯、椰汁西米糕。先講泰式生蝦刺身，蝦身十分乾，無平時D生蝦既濕潤，算係比較失望既頭盤。餐牌上有兩款冬蔭功，一款係海鮮冬蔭，另一款係冬蔭功，冬蔭功就只係有蝦，而我地叫既海鮮冬蔭係有魷魚、青口等雜錦海鮮，湯比較稀身，酸味多過
圓方既 Mango Tree 位置比較偏，到達商場後要望一望個 Directory 先敢行，如果唔係行錯路就有排搵喇~行左好一陣子終於到達，餐廳裝修簡約但高貴，落地玻璃可望向維港，仲可見到幻彩詠香江，坐椅亦十分舒服，適合與三五之己傾計。
大部份侍應都係泰國人，落order時正想講英文，但原來佢係操流利廣東話~
飲品方面，西瓜冰 (Watermelon Frozen Smoothie) 絕對係消暑既最佳選擇，入口非常冰凍，要攤一陣先可以飲，無人造西瓜味道，反而覺得係用上新鮮西瓜而成。而 Jasmine Belle 味道酸酸甜甜，雖然名字有茉莉，但味道唔夠突出。
講返食物，今晚叫左泰式生蝦刺身、海鮮冬蔭、酥炸軟殼蟹、泰式豬頸肉、咖哩炒蟹、芒果炒飯、椰汁西米糕。先講泰式生蝦刺身，蝦身十分乾，無平時D生蝦既濕潤，算係比較失望既頭盤。餐牌上有兩款冬蔭功，一款係海鮮冬蔭，另一款係冬蔭功，冬蔭功就只係有蝦，而我地叫既海鮮冬蔭係有魷魚、青口等雜錦海鮮，湯比較稀身，酸味多過辣，適合唔太食辣既朋友。
另外兩個小食 - 酥炸軟殼蟹 (上) 炸得十分鬆軟可口而且保留到軟殼蟹既肉汁，攤凍左會有少許油膩，但可以接受。而泰式豬頸肉份量好多，蘸酸酸辣辣既汁非常惹味，而且燒過既豬頸肉肉質仍然算稔。
今晚既重點咖哩炒蟹一上枱已經非常矚目，而且可算係一隻巨型肉蟹，蟹蓋差唔多大過我地塊面! 一擺低我地就停哂食其他食物，開始拆蟹! OMG! 肉質非常鮮甜而且厚實，蟹鉗可以話係一條巨型蟹棒! 而咖哩汁絕對係誠意之作，混入蛋白漿既咖哩汁，並無正宗咖哩既辣，而係味道香甜濃郁，可以與味道偏淡既芒果炒飯一齊食，真係可以撈哂D汁送飯，果然係招牌菜! 另外，餐廳仲送上四隻膠手套，不過我地四個人，每人只可分配一隻手套，所以呢個炒蟹可能係二人份量黎既~
雖然已經好飽，但又點可以唔食甜品呢? 少少地食個椰汁西米糕啦~ 軟軟既西米糕，配上非常香濃既椰奶，可清清口腔既味道，而且絕對有入口即溶既感覺。
十分滿意既一餐，不過仍有菜式需要改良一下，最喜愛當然係咖哩炒蟹，我會為左佢而再黎食架! 今晚天氣惡劣，食食下飯開始落大雨兼閃電，因坐喺落地玻璃前面，每次見到閃電劃破長空都好驚，好似喺我地隔離閃咁。 食完飯去搭車戈陣已經掛左黑色暴雨警告......
張貼
