滿屋日本料理 (大鴻輝(荃灣)中心) (已結業)

好耐無食過放題，今日有時間心血來潮就去左食啦！可能太耐無食，追唔上潮流，呢度野食種類超多，超吸引！有啲食物第二啲放題都係無既，例如松葉蟹、大拖、鵝肝等！食多幾件都翻晒本！！鵝肝！好creamy!!用牛油煎到好香，外皮好脆，內裡滑流！超好食！我叫左兩碟，自己一個人食晒估唔到有龍蝦仔食少少麻辣味，唔算太辣，食落好野味！肉質實同好肉！食到啜晒手指！松葉蟹唔洗好似酒店buffet 甘要同人爭，要幾多有幾多！好大只，只腳好肥美！多肉，夠新鮮，可以原條肉起，唔會爛晒！超正！大拖！可以叫刺身或壽司！不論點叫，件大拖都係甘正！如圖所見，好肥美，可以任叫，真係一大享受！刺身好新鮮！無腥味，肉質爽口清甜！好味！火炙廣島蠔壽司蠔好大只，又肥美！咬落去啲肉同汁爆晒出黎！好creamy ，成口都係蠔，好好味，一級享受！黑椒牛柳剛炒起，牛柳好淋，配埋黑椒同蒜蓉去炒，好夾，好好食！每人可以叫多杯貴啲既雪糕雪櫃有其他口味任食！自助區仲有沙律、熟食同甜品，食到你飽！超滿足，食到好飽，會再黎食過！